هلاوس

-أهلا . عرفت إن مشاكلك هتتحل قريب
- آه تقريبا حاسس بكده
- بس شكلك مش مبسوط بالرغم من ده
-مش عارف بس يعني اتعودت عالمشاكل مش عارف هكون مبسوط ولا لأ
- يعني إنت كنت مبسوط مع المشاكل
- أنا مقدرش أقولك . أنا معرفش يعني إيه مبسوط
- طب ما أنت طلبت من احليلك مشاكلك وانا أهو بحلهالك
- بس أنا عايز أكون سعيد
- إنت اماولتش عايز أكون سعيد. إنت طلبت الحال ده
- آه بس أنا كنت شايف إن لحل ده هو لواحد وهو هيخليني سعيد,
- أنت لازم تكون محدد مع نفسك لاول وواضح قبل ماتقول أي حاجة
- ماهو أنا مش عارف . طب ماتساعدني إنت
- تاني هاقولك إنت طلبت مساعدتي في ده بس . قلت هاتلي الوظيفة دي والدنيا هتكون كويسة
- أنا كنت فاكر كده
- وحصل إيه الوظيفة هتجيلك أهو
- أنا حاسس إن ده مش هيحسن حاجة
- شكلك مش شايف كويس . إنت بتحط من القطرة الاديتهلك في عينك علشان تشوف كويس
- آه بحطها وبفضل مغمض عيني
- !!! طب إنت عايز إيه دلوقت
- مش عارف, أنا هحط القطرة وأنام جايز أشوف احلامي أوضح

كره العمى

أنا بحب البلد دي كره العمى آه والله
عندي ضغط في دماغي وعمالة تويش على طول
هو أنا محبط ليه المفروض إني مسافر وشغل وفل طب إيه
في إيه يحبط
البلد تولع
اهلي ما أنا كده كده حسبهم
البحبها عادي لنا أول ولا اخر واحد يخبط في حب مستحيل
أصحاب عادي مش مشكلة بناقص
لو شلنا كل ده كده حياتي ينتظرها مستقبل باهر
أعمل العايزه واحقق احلامي
لو المشكلة فلوس هتتحل أُمال إيه
واضح إن الفلوس مش مشكلة لما تبقى موجودة مشكلتها في عدم وجودها
لكن لما تكون موجودة تاثيرها معدوم لو مفيش حاجة تانية
شخص
أول حد بتكون عايز تكلمه لما تنبسط بحاجة عملتها
وأول واحد بتكون عايز تحكيله لما تكون مخنوق
تستشيره
تناقشه
تشوف مع الدنيا
لا منظر الغروب جميل
ولا الورد رائع
ولا الكورنيش تحفة
كل ده ملوش معنى إلى لما يكون انعكاس على عينيه
من الاخر أنا هعيش أعمى بالطريقة دي
أنا فعلا بحبك كره العمى